शनिवार, आषाढ ६ गते २०८३
शनिवार, आषाढ ६ गते २०८३
शनिवार, आषाढ ६ गते २०८३
शनिवार , जेठ २५, २०८२
काठमाडौं । शिक्षामन्त्री रघुजी पन्तले शिक्षकहरूसँगको सहमतिअनुसार आगामी असार १५ गतेसम्ममा शिक्षा विधेयक पारित हुने दाबी गरेका छन् । काठमाडौंमा प्रारम्भिक बाल विकाससम्बन्धी परामर्श कार्यक्रममा बोल्दै विधेयक पारित गर्न तीव्रताका साथ काम भइरहेको बताए ।
उनले भने, ‘शिक्षा विधेयकमा सबैका जायज माग सम्बोधन हुन्छन्, सोहीअनुसार काम भइरहेको छ । आगामी असार १५ गतेसम्म प्रतिनिधिसभाबाट विधेयक पारित हुन्छ । विधेयकमा शिक्षकका माग सम्बोधन गर्न दरबन्दी मिलान र विद्यालय गाभ्ने विषयमा मन्त्रालयले काम गरिरहेको छ ।’
उनले सरकार र शिक्षकबीचमा विगतमा भएका सहमतिलाई पनि सम्भव भएसम्म विधेयकमा समावेश गर्ने प्रतिबद्धता जनाए ।
शिक्षामन्त्री पन्तले थपे, ‘समय सापेक्ष कानून संशोधन गर्दै जाने हो, युगको आवश्यकताअनुसार सम्बोधन गर्दै जानुपर्छ । संविधानको मर्म र अर्थतन्त्रले धान्नसक्ने माग सम्बोधन हुन्छ । जुन दिन शिक्षकहरुसँग सम्झौता भएको थियो, मैले त्यही दिन सार्वजनिक रुपमा नौ बुँदे सहमति नगद हो भनेको थिएँ, उक्त सहमति आगामी साउनदेखि लागू हुन्छ । उहाँहरुका जायज माग सम्बोधन हुन्छ ।’
मुलुकको शिक्षा प्रणालीलाई सुधार गर्ने विषयमा उपयुक्त, वैज्ञानिक र आर्थिक रुपमा धान्नसक्ने सुझावलाई सरकारले ग्रहण गर्ने उनले बताए ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस