शुक्रवार, आषाढ ५ गते २०८३
शुक्रवार, आषाढ ५ गते २०८३
शुक्रवार, आषाढ ५ गते २०८३
मंगलवार , आषाढ २४, २०८२
काठमाडौँ । नेकपा एकीकृत समाजवादीका सांसद प्रेम आलेले नेपाल नागरिक उड्डयन प्राधिकरण (क्यान) का महानिर्देशक प्रदीप अधिकारीलाई निलम्बन गरेर कारबाही प्रक्रिया अघि बढाउन माग गरेका छन् ।
प्रतिनिधिसभाको मंगलबारको बैठकको शून्य समयमा बोल्दै उनले क्यानका महानिर्देशक अधिकारीलगायत आठ जनालाई निलम्बन गरी कारबाही प्रक्रिया अगाडि बढाउन सरकारसँग माग गरेका हुन् ।
‘म सरकारसँग तत्काल क्यानका महानिर्देशक लगायत आठ जनालाई निलम्बन गरी कारबाही प्रक्रिया अगाडि बढाउनको लागि म माग गर्न चाहन्छु,’ आलेले भने ।
सांसद आलेले प्रतिनिधिसभाको सार्वजनिक लेखा समितिले पोखरा क्षेत्रीय अन्तर्राष्ट्रिय विमानस्थलमा अनियमितता भएको ठहर गर्दै अधिकारीलाई निलम्बन गर्न अख्तियारलाई सिफारिस गरेको पनि स्मरण गराए ।
‘पोखरा क्षेत्रीय अन्तर्राष्ट्रिय विमानस्थलको जेठ ७ गते सार्वजनिक लेखा समितिले अनियमितता ठहर गरेर अख्तियार दुरुपयोग अनुसन्धान आयोगलाई कारबाहीका लागि सिफारिस गरेको थियो,’ उनले भने, ‘आज करिब ४७ दिन भइसकेको छ । न ती पदाधिकारीहरू निलम्बन भएको छन्, न कारबाही प्रक्रिया अगाडि बढेको छ ।’
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस