धनगढी । नयाँ प्रकारको कोरोना संक्रमण भएका कञ्चनपुरका एक पुरुषको मृत्यु भएको छ ।

जिल्लाको भीमदत्त नगरपालिका–१५ का ४५ वर्षीय संक्रमित पुरुषको बुधबार बिहान मृत्यु भएको हो । उनको कञ्चनपुर स्थित महाकाली अस्पतालमा उपचार भइरहेको थियो ।

भारतको गुजरातबाटै कोरोना संक्रमित भएर आएका उनको नेपालमा पनि कोरोना संक्रमण पुष्टि भएको थियो ।

महाकाली अस्पतालका व्यवस्थापक दीपेन्द्र रावलले दिएको जानकारी अनुसार २२ गते अस्पतालमा भर्ना भएका उनको उपचारको क्रममा बुधवार बिहान मृत्यु भएको हो ।

सुदूरपश्चिम प्रदेशमा नयाँ प्रकारको कोरोना संक्रमण भित्रिएपछि पहिलो पटक सङ्क्रमितको मृत्यु भएको हो ।