काठमाडौं । सरकारले यही वैशाख ६ र ७ गते ६ महिनादेखि ५ वर्षसम्मका बालबालिकाहरुलाई भिटामिन ए तथा जुकाको औषधि खुवाउने कार्यक्रम सुरु गर्दै छ ।

यसैगरी एक वर्षदेखि ५ वर्षसम्मका बालबालिकालाई भिटामिन ए र जुका दुवैको औषधि खुवाइने छ । ६ गते खान छुटेकालाई ७ गते खुवाउने कार्यक्रम रहेको छ । 

आफूलाई पायक पर्ने वितरण केन्द्रमा गएर बालबालिकाहरुलाई भिटामिन ए र जुकाको औषधि खुवाउन स्वास्थ्य मन्त्रालयले आग्रह गरेको छ । यद्यपी, कोरोना संक्रमणबाट बच्नका लागि स्वास्थ्य सुरक्षाका मापदण्ड पालना गर्न र गराउन पनि स्वास्थ्य मन्त्रालयले आग्रह गरेको छ ।

सरकारले हरेक वर्ष बालबालिकाहरुलाई राष्ट्रिय भिटामिन ए तथा जुकाको औषधि खुवाउने गर्दै आएको छ ।