काठमाडौं । एमाले नेता माधव कुमार नेपालले गलत बाटोबाट गरिने संवैधानिक नियुक्तिको प्रयासहरु बन्द गरेर जनताको जीवन रक्षामा ध्यान दिन सरकारलाई आह्वान गरेका छन् । उनले  बलमिच्याई गरी अध्यादेशमार्फत संवैधानिक आयोगमा पदपूर्ति गर्न खोज्नु गैरजिम्मेवारीपन एवम् अलोकतान्त्रिक कार्य भएको बताएका छन् ।

शनिबार बिहान ट्वीटरमार्फत उनले भनेका छन्, ‘मुलुकमा उत्पन्न विषम परिस्थितिमा सरकार जनताप्रतिको आफ्नो मुख्य दायित्वबाट च्यूत हुन मिल्दैन ।अतस् गलत बाटोबाट गरिने यस्ता नियुक्ति प्रयासहरू तत्काल बन्द गर्न र जनताको जीवन रक्षामा ध्यान केन्द्रित गर्न आह्वान गर्दछु।’

कोरोना महामारी नियन्त्रण गर्न र जनतालाई आवश्यक स्वास्थ्य सामाग्री उपलब्ध गराउन सरकारको ध्यान केन्द्रित हुनुपर्ने उनको भनाई छ । ‘कोरोना (कोभिड-१९)भाइरस नियन्त्रण गर्न र जनतालाई आवश्यक स्वास्थ्य सामग्री उपलब्ध गराउन केन्द्रित हुनुको साटो बलमिच्याई गरी अध्यादेशमार्फत संवैधानिक आयोगमा पदपूर्ति गर्न खोज्नु गैरजिम्मेवारीपन एवम् अलोकतान्त्रिक कार्य हो ।’–उलने भनेका छन् ।

राष्ट्रपति विद्यादेवी भण्डारीले मंगलबार सात वटा र बुधबार एउटा गरी ८ वटा अध्यायदेश जारी गरेकी थिइन् ।