काठमाडाैं । नेकपा माओवादी केन्द्रका प्रवक्ता नारायणकाजी श्रेष्ठमाथि प्रधानमन्त्री केपी शर्मा ओलीका प्रेस सल्लाहकार सूर्य थापाले कटाक्ष गरेका छन् । 

नेकपा(एमाले) हुडल्न गरेका तमाम षड्यन्त्रकारी हर्कतहरू अब असफल मात्रै नभएकाे र अस्थिरता झन् बढाउन सफल हुनै नसकेकाेमा मलिन मुद्रामा आँसु झार्नमात्रै नसकेकाे उनकाे भावभंगी संचारकर्मीहरूलाई प्रत्यक्ष देख्ने गज्जबकाे संयाेग मिलेकाे भनी सामाजिक सञ्जालमा उल्लेख गरेका छन् । 

थापाले श्रेष्ठलाई प्रवक्ता कहलिनुकाे बडाे दु:ख भएकाे उल्लेख गरी ‘गाई नपाली, अरूकाे जर्सी सित्तैमा दुहेर मनग्गे दूध खाने बानी परेकाहरूकाे हविगत यस्तै हुन्छ’ भनी ब्यंग्य पनि गरेका छन् ।

सामाजिक सञ्जालमा उनले लेखेका छन् :

नारनकाजीलाई प्रवक्ता कहलिनुकाे बडाे दु:ख भइरहेकाे छ –
२०७७ बैशाख १७ र २० गते बालुवाटार,
अनि २०७८ बैशाख ३० गते 
पेरिसडाँडा ।
एमालेकाे प्यूठान सम्पर्क मञ्च जत्राे 
आफ्नाे समूह मिसाएर नेकपा र नेकपा(एमाले) हुडल्न गरेका तमाम षड्यन्त्रकारी हर्कतहरू अब असफल मात्रै भएनन्, अस्थिरता झन् बढाउन सफल हुनै नसकेकाेमा मलिन मुद्रामा आँसु झार्नमात्रै नसकेकाे उनकाे भावभंगी संचारकर्मीहरूलाई
प्रत्यक्ष देख्ने गज्जबकाे संयाेग मिल्याे !
गाई नपाली अरूकाे जर्सी सित्तैमा दुहेर मनग्गे दूध खाने बानी परेकाहरूकाे हविगत शायद यस्तै हुन्छ !!
अझ जनताकाे कष्टमा झुठाे र अतिरञ्जनापूर्ण वक्तव्यवाजीकाे नाैटंकी !!!
विचराकाे एक वर्षदेखिकाे फसलमा 
दुबै बैशाखमा आएकाे असिनाले सत्यनाश नै पार्‍यो।
खाेई कुलेले कुराे बुझेकाे ?