सुनौलो नेपाल
काठमाडाैं । जनता समाजवादी पार्टी (जसपा)मा पुन: नयाँ माेड आएकाे छ । विभाजनको संघारमा जसपाका २ अध्यक्ष महन्थ ठाकुर र उपेन्द्र यादवले मंगलबार संयुक्त वक्तव्य जारी गरी पार्टीलाई विधि पद्धति अनुसार अघि बढाउने बताएका छन् ।
विज्ञप्ति मार्फत आफ्नो पार्टी तत्काल सरकारमा सहभागी नहुने पनि उनीहरुले बताएका छन् । ‘तत्काल हाम्रो पार्टी सरकारमा सहभागी हुनेछैन, जसपा नेपाल सरकारमा सहभागी नभई प्रतिपक्षमै रही आफ्नो भूमिका निर्वाह गर्ने पार्टीको नीति र निर्णय यथावत् रहनेछ,’ विज्ञप्तिमा भनिएको छ ।
आफ्नै नेतृत्वमा सरकार बन्ने वा राष्ट्रिय सहमतिको सरकार बन्ने अवस्थामा भने सरकारमा सहभागी हुने जसपाले उल्लेख गरेको छ । २७ वैशाखमा संसद्मा विश्वासको मतमा मतदान हुँदा ठाकुर पक्षका १५ सांसद तटस्थ बसेका थिए भने यादव पक्षका १५ सांसदले विपक्षमा मत दिएका थिए ।
पार्टीको आन्तरिक विवादबारे गैरजिम्मेवार र गैरराजनीतिक अभिव्यक्ति नदिन पनि अध्यक्षद्वयले निर्देशन दिएका छन् ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
