मंगलवार, जेठ २६ गते २०८३
मंगलवार, जेठ २६ गते २०८३
मंगलवार, जेठ २६ गते २०८३
बुधवार , मंसिर ३, २०८२
काठमाडौं । ऊर्जा, भौतिक पूर्वाधार र सहरी विकासमन्त्री कुलमान घिसिङले तोकिएको समयमा सडक निर्माण हुन नसकेका २५० भन्दा बढी ठेक्का तोड्ने प्रक्रियामा रहेको बताएका छन् ।
बुधबार सिंहदरबारमा बाजुराको मार्तडी सडकखण्डलाई सूचारु गर्नुपर्ने माग गर्दै युवाहरुको ज्ञापन पत्र बुझ्दै मन्त्री घिसिङले ठेक्का लिएर समयमा नै आयोजना पुरा नगर्ने प्रवृतिलाई अन्त्य गर्न सडक क्षेत्रमा २५० भन्दा बढी ठेक्का तोड्ने प्रक्रियामा अघि बढेको बताएका हुन् । उनले लामो समयसम्म ठेक्का होल्ड गर्दा जनतालाई सास्तीका साथै देशलाई नै ठूलो हानी पुराउने काम भएको धारणा राखे ।
सडकका साथै भौतिक, शहरीबिकास र ऊर्जा सिचाई क्षेत्रका ठूलो आयोजनाका काम पनि अघि बढ्न नसके ठेक्का तोड्ने उनले बताए । घिसिङले राज्यले बजेट छुट्टाएर सुरु गर्न खोजेका आयोजनाको ठेक्का लिएर काम सुरु नगर्नु राष्ट्रकै लागि घात हुनजाने धारणा राखे । आफ्नो ठेक्का समयमा नै सम्पन्न गर्न उनले निर्माण व्यवसायीहरुलाई आग्रह गरे ।
बाजुराको मार्तडी सडकखण्डलाई सूचारु गर्ने बिषयमा मन्त्रालयले बिशेष ध्यान दिने उनले प्रतिवद्धता जनाए । प्रदेश सरकारले पुरा गर्न नसके संघ सरकारले आवश्यक सहयोग गरि अघि बढाउन तयार रहेको उनको भनाइ छ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस