मंगलवार, जेठ २६ गते २०८३
मंगलवार, जेठ २६ गते २०८३
मंगलवार, जेठ २६ गते २०८३
बिहिवार , मंसिर ४, २०८२
काठमाडौं । नेकपा एमालेको सचिवालय बैठक आज दिउँसो १ बजे पार्टी केन्द्रीय कार्यालय, च्यासलमा बस्दैछ। बैठकमा पार्टीको ११औँ महाधिवेशनसम्बन्धी तयारीका विषयमा मुख्यतः छलफल हुने केन्द्रीय प्रचार विभाग प्रमुख राजेन्द्र गौतमले जानकारी दिए।
एमालेले मङ्सिर २७ देखि २९ गतेसम्म काठमाडौंमा महाधिवेशन गर्ने तयारी गरेको छ। महाधिवेशनका लागि प्रतिनिधि छनोट मङ्सिर १३ गते एकैदिन देशभर सम्पन्न गरिने पार्टीले जनाएको छ।
आजको बैठकमा शनिबार काठमाडौंमा आयोजना हुने भनिएको वृहत प्रदर्शन र सभासम्बन्धी तयारीबारे पनि छलफल हुनेछ। पार्टीले विघटित प्रतिनिधिसभा पुनःस्थापनाका लागि रिट दर्ता गर्ने विषयमा भने पछि थप निर्णय गर्ने बताइएको छ।
नेकपा एमालेले प्रतिनिधि सभा पुनर्स्थापनाका लागि सडक र अदालत दुवैबाट दबाब दिने बताउँदै आएको छ । प्रतिनिधि सभा पुनर्स्थापनाका लागि आन्दोलन गर्ने घोषणा गरेको एमालेले फागुन २१ लाई तोकिएको प्रतिनिधि सभा निर्वाचन प्रयोजनका लागि निर्वाचन आयोगले मङ्सिर १० गतेसम्म तोकेको समयमा दल दर्ता गर्छ गर्दैन भन्ने चासो रहेको छ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस