काठमाडौं । माघ ११ गते हुने राष्ट्रिय सभा निर्वाचनका लागि नेकपा एमालेले ८ जना उम्मेदवारको टुंगो लगाएको छ ।
एमालेले कोशी प्रदेशमा रोशनी मेचे र सोम पोर्तेल, मधेश प्रदेशमा रेखा झा, बागमतीमा प्रेम दंगाल र गण्डकी प्रदेशमा सम्झना देवकोटालाई राष्ट्रिय सभा उम्मेदवार बनाउने भएको छ ।
यसैगरी लुम्बिनीमा रामकुमारी झाँक्री, कर्णालीमा मीना रखाल र सुदूरपश्चिममा लिला भण्डारीलाई उम्मेदवार बनाउने निर्णय गरेको हो । उम्मेदवारहरुले आजै उम्मेदवारी दर्ता गराउँदैछन् ।
कांग्रेस र जसपा नेपालसँगको भागबण्डा सहमतिअनुसार कांग्रेसले ८ सिटमा उम्मेदवारी दिनेगरी एमालेले उम्मेदवारको टुंगो लगाएको हो ।
प्रतिक्रिया दिनुहोस