आइतवार, जेठ २४ गते २०८३
आइतवार, जेठ २४ गते २०८३
आइतवार, जेठ २४ गते २०८३
बुधवार , फाल्गुण २०, २०८२
सिराहा । जनता समाजवादी पार्टी नेपाल (जसपा) का सिराहा क्षेत्र नम्बर ३ का उम्मेदवार अशेश्वर यादव मौन अवधिमा नगदसहित पक्राउ परेका छन् ।
मधेस प्रदेश प्रहरी कार्यालयका वरिष्ठ प्रहरी उपरीक्षक तथा प्रवक्ता कमल थापाका अनुसार यादवलाई गएराति करिब साढे १२ बजे सिराहा सदरमुकाम नजिकबाट प्र. २–०२–००१ च ०८७ नम्बरको स्कार्पिओ गाडीसहित नियन्त्रणमा लिइएको हो ।
उनको गाडीबाट ४ लाख ८७ हजार रुपैयाँ नगद बरामद भएको प्रहरीले जनाएको छ। उक्त रकमसहित यादव र अन्य चार जनालाई नियन्त्रणमा लिएर जिल्ला प्रहरी कार्यालय सिराहामा राखिएको छ । पक्राउ परेका अन्य व्यक्तिको नाम भने सार्वजनिक गरिएको छैन ।
प्रहरीका अनुसार उनीहरूलाई आवश्यक कारबाहीका लागि मुख्य निर्वाचन अधिकृतको कार्यालयमा पठाउने तयारी भइरहेको छ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस