शुक्रवार, जेठ २२ गते २०८३
शुक्रवार, जेठ २२ गते २०८३
शुक्रवार, जेठ २२ गते २०८३
शनिवार , बैशाख ५, २०८३
काठमाडौं । नेपाली कांग्रेसको पूर्णबहादुर खड्का पक्ष नेताहरुले पार्टी विवादका बिषयमा सर्वोच्च अदालतको फैसलालाई स्वीकार गर्दै पार्टी एकतामा जोड दिने निष्कर्ष निकालेका छन् ।
शनिबार काठमाडौंको गोल्फुटारस्थीत खड्काको निवासमा बसेको कांग्रेस नेताहरुको बैठकले अदालतको आदेशसँगै पार्टीको आधिकारिताको विवाद टुङ्गिएको भन्दै अब पार्टी एकतामा जोड दिने निष्कर्ष निकालिएको कांग्रेस नेता मीन विश्वकर्माले जानकारी दिए ।
एकताका लागि सबै पक्षसँग परामर्श गर्ने निष्कर्ष समेत बैठकको रहेको उनको भनाइ छ । नेता विश्वकर्माले अदालतको फैसलाले आधार मानेका विभिन्न विषयहरू विरोधाभासपूर्ण र विवादस्पद भएपनि त्यसलाई मानेर अघि बढ्ने निर्णय भएको उल्लेख गरे ।
यसअघि शेरबहादुर देउवाको खुट्टामा बल रहेपनि अहिले गगन थापाको खुट्टामा अदालतले बल फाल्दिएको अवस्थामा पार्टीलाई एकताबद्ध बनाउन सभापति थापाले नै मुख्य भूमिका निर्वाह गर्नुपर्ने उनले बताए ।
खड्का पक्ष नेताहरुले अदालतको आदेश र पार्टीभित्रको विवादका बिषयमा आइतबार नै आफु निकट केन्द्रीय सदस्यहरूसँग छलफल गर्ने तयारी गरेको छ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस