बिहिवार, जेठ २१ गते २०८३
बिहिवार, जेठ २१ गते २०८३
बिहिवार, जेठ २१ गते २०८३
बुधवार , जेठ ६, २०८३
काठमाडौं । सर्वोच्च अदालतकी न्यायाधीश सपना प्रधान मल्ल २० दिन बिदा बसेकी छन् । प्रधानन्यायाधीशमा डा. मनोज कुमार शर्माको नियुक्तिसँगै मल्ल बिदा बसेकी हुन् ।
मंगलबार शर्मा प्रधानन्यायाधीशको पदभार ग्रहण गर्न सर्वोच्च अदालत पुग्नुअघि नै न्यायाधीश प्रधानले बिदा स्वीकृत गरेकी थिइन् । यसअघि प्रधानन्यायाधीश प्रकाशमानसिंह राउत ६५ वर्षे उमेरहदका कारण अवकाश भएपछि वरिष्ठतम न्यायाधीश सपना मल्ल प्रधानले २०८२ चैत १८ गतेदेखि कामु प्रधानन्यायाधीशको जिम्मेवारी सम्हाल्दै आएकी थिइन् ।
संवैधानिक परिषद्ले प्रधानन्यायाधीशमा डा. शर्मालाई सिफारिस गरेपछि न्यायाधीश प्रधान असन्तुष्ट रहेको चर्चा हुँदै आएको थियो । सिफारिस भएको दोस्रो दिन कामु प्रधानन्यायाधीशको हैसियतमा उनले फुलकोर्ट बैठकसमेत बोलाएकी थिइन् ।
फुलकोर्ट बैठकमा प्रधानन्यायाधीश सिफारिसको विषयलाई लिएर नोकझोक भएको बताइएको छ । त्यसपछि शर्मा वैशाख २५ गतेदेखि इजलासमा बसेका थिएनन् । प्रधानन्यायाधीशको पदभार ग्रहण गरेसँगै भने उनले बुधबारदेखि इजलास सम्हालेका छन् ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस