काठमाडौं । भारतमा भइरहेको इन्डियन प्रिमियर लिग (आइपिएल) खेलमा सट्टेबाजी गर्ने दुई जनालाई प्रहरीले पक्राउ गरेको छ । जिल्ला प्रहरी कार्यालय मोरङको टोलीले विराटनगर महानगरपालिका वडा नम्बर ६ बस्ने ४२ वर्षीय सचिन कुमार साह र विराटनगर महानगरपालिका वडा नम्बर ९ बस्ने ४४ वर्षीय भूपेन्द्र कुमार शाहलाई पक्राउ गरेको हो ।

उनीहरुलाई सट्टाबाजी कसुरमा पक्राउ गरेको हो । उनीहरू विरुद्ध मोरङ जिल्ला अदालतबाट सट्टाबाजी कसुरमा पाँच म्याद थप गरी अनुसन्धान भइरहेको डिएसपी दीपक श्रेष्ठले जानकारी दिए ।