काठमाडौं । मुख्यसचिव शंकरदास बैरागीले सबै मिलेर भ्रष्टाचार नियन्त्रण गर्न जरुरी रहेको बताएका छन् । भ्रष्टाचारबिरुद्धको अन्तर्राष्ट्रिय दिवसको अवसरमा शुक्रवार अख्तियार दुरूपयोग अनुसन्धान आयोगले आयोजना गरेको कार्यक्रममा बोल्दै उनले यस्तो बताएका हुन् ।

उनले भ्रष्टाचार नियन्त्रणमा भएको प्रगतिले मुलुकको सुशासनको सुचकांकमा समेत सुधार भइ अन्तर्राष्ट्रिय स्तरमा मुलुकको प्रतिष्ठा र छवि उँचो हुने बताए । उनले सार्वजनिक प्रशासन बेथिति, विसंगति र भ्रष्टाचारजन्य गतिविधि नगरी नागरिक र देशको सेवामा लाग्न आवश्यक रहेको बताए । मुख्यसचिव बैरागीले सरकारी निकायहरुले कानून र कार्यविधिको व्यवस्था अनिवार्यरुपमा पालना गरी सबै क्षेत्रमा कडाईकासाथ लागू गर्नेकुरामा जोड दिए । उनले भ्रष्टाचारले सामाजिक सेवा, प्रवाह र विकास व्यवस्थापनका साथै सामाजिक जीवनका सबै क्षेत्रमा नकारात्मक प्रभाव सिर्जना गर्ने भएकाले भ्रष्टारजन्य गतिविधिप्रति समाजका सबै सदस्य सचेत हुन जरुरी रहेको पनि बताए । उनले भ्रष्टाचारीलाई निरुत्साहन र सदाचारीलाई प्रोत्साहन गर्दै समृद्ध भविष्यको आधारशीला निर्माण गर्नु आजको आवश्यक्ता भएको बताए ।

मुख्यसचिव बैरागीले भने, ‘भ्रष्टाचार नियन्त्रणमा भएको प्रगतिले मुलुकको सुशासनको सुचकांकमा समेत सुधार भइ अन्तर्राष्ट्रिय स्तरमा मुलुकको प्रतिष्ठा र छवि उचो हुन्छ । जसकारण भ्रष्टाचार नियन्त्रणलाई सबै मिलेर काम गर्न जरुरी छ । सार्वजनिक प्रशासनलाई बेथिति र विसंगति, भ्रष्टाचारजन्य कार्यबाट टाढा राखेर नागरिक र देशको सेवामा लाग्न आवश्यक छ । कानून र कार्यविधिको व्यवस्था अनिवार्यरुपमा पालना गरी काम गर्ने, गराउने कुरामा निर्णय गर्दै तोकेको कानूनको पूर्ण पालना गरी कानूनको सबै तहमा कडाईकासाथ लागू गर्नेकुरामा जोड दिनुपर्नेछ । भ्रष्टाचारको नियन्त्रणका लागि निरोधात्मककुरालाई सँगै कार्यान्वयनमा उतार्न आवश्यक छ । भ्रष्टाचारले हाम्रो सामाजिक सेवा, प्रवाह र विकास व्यवस्थापनका साथै सामाजिक जीवनका सबै क्षेत्रमा नकारात्मक प्रभाव सिर्जना गर्ने भएकाले भ्रष्टारजन्य गतिविधिप्रति समाजका सबै सदस्य सचेत हुन जरुरी छ । भ्रष्टाचारीलाई निरुत्साहन र सदाचारीलाई प्रोत्साहन गर्दै समृद्ध भविष्यको आधारशीला निर्माण गर्नु आजको आवश्यक्ता हो । सबै निकायको तत्परता र सबै निकायको सहकार्यमा मात्रै भ्रष्टाचारलाई नियन्त्रण गर्न सम्भव छ । भ्रष्टाचार नियन्त्रणलाई उच्च प्राथमिकतामा राख्दै विकास व्यवस्थापन तथा सार्वजनिक सेवा प्रवाहमा उचित व्यवस्थापन गर्न जरुरी छ । सार्वजनिक सेवा प्रवाहमा देखिएको विकृति, विसंगति र समस्याको समाधान गर्दै सार्वजनिक सेवालाई चुस्त, सहज, पारदर्शी र नागरिकमैत्री बनाउन आवश्यक छ ।’

मुख्यसचिव बैरागीले सबै निकायको तत्परता र सबै निकायको सहकार्यमा मात्रै भ्रष्टाचारलाई नियन्त्रण गर्न सम्भव रहेको उल्लेख गर्दै सार्वजनिक सेवा प्रवाहमा देखिएको विकृति, विसंगति र समस्याको समाधान गर्दै सार्वजनिक सेवालाई चुस्त, सहज, पारदर्शी र नागरिकमैत्री बनाउन आवश्यक रहेको बताए ।