सुनौलो नेपाल
काठमाडौं । सुनचाँदीको कारोबार मूल्य आज सोमबार स्थिर भएको छ।
अन्तर्राष्ट्रिय बजारमा सामान्य गिरावट आए पनि स्थानीय बजारमा घटबढ नभएको हो। सुन प्रतितोला १ लाख ११ हजार ६ सय रुपैयाँमा स्थिर भएको हो।
गत सातासम्म सुनको मूल्य बढ्दै प्रतितोला १ लाख १३ हजार ३ सय रुपैयाँ पुगेको थियो। बढोत्तरीमा ‘ब्रेक’ लाग्दै साताको पहिलो दिन तोलामा १ हजार ७०० रुपैयाँले घटेर मूल्य निर्धारण भएको थियो। आइतबार कायम प्रतितोला १ लाख ११ हजार ६ सय रुपैयाँमा मूल्य आज पनि स्थिर रहेको हो ।
चाँदीको मूल्य पनि स्थिर छ। गत साताको अन्तिम दिनका तुलनामा २० रुपैयाँ घट्दा आइतबार प्रतितोला १ हजार ४१५ रुपैयाँमा कारोबार भएको थियो।
अन्तर्राष्ट्रिय बजारमा सोमबार सुनचाँदीको मूल्य घटेको छ। आइतबार प्रतिऔंस १९४८.१९ डलर रहेको सुन सोमबार १९४५.१३ डलरमा कारोबार भइरहेको छ। चाँदी पनि प्रतिऔंस २३.६२ डलरबाट २३.५५ डलर पुगेको छ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
