अबदेखि असार १ बाट भदौ मसान्तसम्म सडक खन्न नपाइने

सुनौलो नेपाल
बिहिबार, २५ जेष्ठ २०८०

4.3K

अबदेखि असार १ बाट भदौ मसान्तसम्म सडक खन्न नपाइने

काठमाडौं । सरकारले वर्षायामको समयमा सडक नखन्न भनेकाे छ । वर्षायाममा सडक खनेमा कारबाही गरिने चेतावनी समेत दिएकाे छ ।

सडक विभागअन्तर्गतको संघीय सडक सुपरिवेक्षण तथा अनुगमन कार्यालयले ‘वर्षायाममा सडक खन्ने स्वीकृति नदिइनेबारे सार्वजनिक सूचना’ जारी गर्दै जबर्जस्ती गरेमा कारबाही गर्ने जनाएको हो ।

आगामी असर १ देखि भदौ मसान्तसम्म सडकमा खन्न पाइने छैन । असार १ गतेदेखि भदौ मसान्तसम्मको अवधिमा संघीय सडक सुपरिवेक्षण तथा अनुगमन कार्यालय काठमाडौं र सडक डिभिजनहरु मातहतका कुनै पनि सडक खन्ने स्वीकृति नदिइने विभागले जनाएको छ ।

‘वर्षायाममा धारा, ढल, बिजुली, टेलिफोन आदि प्रयोजनका लागि सडक खन्दा तत्काल मर्मत–सम्भार गरी यथास्थितिमा ल्याउन नसकिने र सडक पनि थप बिग्रँदै जाने भएकोले यही २०६० साल असार १ गतेदेखि २०८० साल भाद्र मसान्तसम्म यस कार्यालय अन्तर्गतका सडक डिभिजनहरू मातहत रहेका कुनै पनि सडक खन्ने स्वीकृति नदिइने,’ जारी सुचनामा भनिएको छ ।