काठमाडौं । नेपाल भ्रमणमा रहेको आयरल्याण्ड ‘ए’ले पहिलो जित हात पारेको छ । शुक्रबार त्रिवि क्रिकेट मैदानमा भएको टी २० मा नेपाल ‘ए’लाई २१ रनले पराजित गरेको हो ।

लोकेश र आरिफ शेखले उत्कृष्ट साझेदारी गरेपछि नेपाल १८९र३ को अवस्थामा थियो । तर १३ रन जोड्दा ७ विकेट गुमायो । १६औं ओभरको अन्तिम बलमा बमलाई गुमाएको नेपालले एकपछि अर्को विकेट गुमाएको थियो ।

२२३ रनको लक्ष्य पछ्याएको नेपालले अन्तिम ३ बल खेल्नु अगाडि नै सबै विकेट गुमाएर २०१ रन बनायो । नेपालका लागि ओपनर लोकेश बमले १०६ रन बनाएका थिए ।

नेपाली टोलीले अतिरिक्त रुपमा पनि २१ रन पाएको थियो । आयरल्यान्डका बलर फियोन ह्यान्ड र म्याथ्यू हमफ्रेयसले तीन–तीन विकेट लिए । म्याथ्यू फोष्टरले पनि दुई विकेट हात पारेका थिए । थोमस मायस र गाभिन होएले पनि एक–एक विकेट लिए ।

आयरल्यान्ड ‘ए’ ले अतिरिक्त रुपमा पनि १३ रन पाएको थियो । नेपाली टोलीका बलर कमलसिंह ऐरीले तीन विकेट लिए । उनले चार ओभरमा ३९ रन खर्चिए । सागर ढकाल र आरिफ शेखले पनि एक–एक विकेट हात पारेका थिए । जितसँगै आयरल्यान्ड ‘ए’ ले तीन टी–२० खेलको शृंखलामा १–० को अग्रता