पूर्वडिआइजी जोशीलाई म्याद थपका लागि कास्की अदालतमा उपस्थित गराइयो

सुनौलो नेपाल
सोमबार, ७ असोज २०८१

833

पूर्वडिआइजी जोशीलाई म्याद थपका लागि कास्की अदालतमा उपस्थित गराइयो

काठमाडौं । सहकारी ठगी प्रकरणमा पक्राउ परेका पूर्वडीआईजी छविलाल जोशीलाई आज म्याद थपका लागि जिल्ला अदालत कास्कीमा उपस्थित गराइएको छ ।

उनी आइतबार काठमाडौंबाट पक्राउ परी पोखरा लगिएका थिए । उनी गोर्खा मिडियाका पूर्वसञ्चालक मध्ये एक हुन् ।

सूर्य थापा नेतृत्वको संसदीय छानबिन समितिले जोशीसहित चार व्यक्तिको नाम किटान गर्दै कारबाही गर्न निर्देशन दिएको थियो ।

सूर्य थापा नेतृत्वको सहकारी रकम छानबिन संसदीय विशेष समितिले सहकारीहरुको रकम दुरुपयोग र अपचलनमा जोशीसहितको नाम किटान गर्दै कारबाही गर्न निर्देशन दिएको थियो ।

सूर्यदर्शन वचत तथा ऋण सहकारीको रकम अपचलन गरेको मुद्दामा प्रहरीले पूर्वडीआईजी जोशीलाई पक्राउ गरेको हो ।जोशीलाई प्रहरीले जरुरी पक्राउ पुर्जी थमाएर पक्राउ गरेको हो ।

संसदीय समितिले ९९ दिन लगाएर तयार पारेको प्रतिवेदन भदौ ३१ मा समितिले संसद्लाई बुझाएको थियो । सोही प्रतिवेदन गृहमन्त्रालयले आइतबार मात्रै प्रहरीलाई कार्यान्यनका लागि पठाएको थियो ।

यो पनि :

सहकारीको वचत अपचलन मुद्दामा गोर्खा मिडियाका सञ्चालक तथा पूर्वडीआईजी छविलाल जोशी पक्राउ