logo

२०८१ मंसिर ६ बिहिबार

logo
  • बिहिबार, ६ मंसिर २०८१
  • आइपीएलमा सन्दीपलाई खेल्न नदिएको दिल्ली घरेलु मैदानमै हार्यो नराम्रोसंग

    आइपीएलमा सन्दीपलाई खेल्न नदिएको दिल्ली घरेलु मैदानमै हार्यो नराम्रोसंग

    2.6K
    Shares

    काठमाडौं – इण्डियन प्रिमियर लिग (आइपीएल) क्रिकेटमा गएराति भएको खेलमा दिल्ली डेयरडेभिल्स किंग्स इलेभन पञ्जाबसँग ४ रनले पराजित भएको छ।

    दिल्लीको फिरोज शाह कोटला मैदानमा भएको खेलमा टस हारेर व्याटिङ गरेको पन्जाबले दिल्ली सामु निर्धारित २० ओभरमा ८ विकेट गुमाउँदै १ सय ४३ रनको लक्ष्य प्रस्तुत गरेको थियो। १ सय ४४ रनको लक्ष्य पछ्याएको दिल्ली ८ विकेट गुमाउँदै १ सय ३९ रनमा समेटिन पुग्यो।

    पञ्जावका लागि करण नायरले सर्वाधिक ३४ रन बनाए। यस्तै डेभिड मिलरले २६, लोकेस राहुलले २३, मायंक अग्रवालले २१ र युवराज सिंहले १४ रनको योगदान दिए।

    बलिङतर्फ पन्जाबका अंकित राजपुत, एन्ड्र्यू टाई र मुजिब उर रहमानले २–२ विकेट लिए।

    दिल्लीका लागि श्रेयस ऐय्यरले सर्वाधिक ५७ रन बनाए। राहुल टेवाटियाले २४, पृथ्वी शाले २२ र ग्लेन म्याक्सवेलले १२ रन बनाए। अन्यले दोहोरो अंक जोड्न सकेनन्।

    बलिङतर्फ दिल्लीका लियाम प्लंकेटले सर्वाधिक ३ विकेट लिए। अवेश खान र ट्रेन्ट बोल्टले २–२ विकेट लिए।

    पन्जाबका बलर अंकित राजपुत प्लेयर अफ दि म्याच भए। उनले २३ रनको योग्दान दिनुका साथै २ विकेट झारेका थिए।

    दिल्लीमाथि जित निकाल्दै पन्जाब १० अंकसहित आईपिएल अंक तालिकाको शीर्ष स्थानमा छ भने यो हारपछि दिल्ली पुछारमा छ।

    आइपीएल क्रिकेटमा आज (मंगलबार) राति मुम्बई इन्डियन्स र सनराईजर्स हैदरावादबीच प्रतिष्पर्धा हुने छ।


    सुनाैलाे नेपाल
    सम्बन्धित समाचार
    ताजा अपडेट
    धेरै पढिएको
    © 2024 All right reserved to Sunaulonepal.com  | Site By : SobizTrend