एजेन्सी । टेनिङ सैलुनभित्रै नवविवाहित बेहुलीले ज्यान गुमाएकी छन् । यो घटना बेलायतको एउटा टेनिङ सैलुनको हो । खासमा, केहि देशहरूमा मानिसहरूले कोरो हुन ट्रिटमेन्ट गराउँछन्, जबकि केही महिलाहरू कृत्रिम टेनिङ गर्न रुचाउँछन्। टेनिङ हासिल गर्न पराबैजनी विकिरण उपकरण मार्फत प्रयोग गरिन्छ।

टेनिङ सैलुनमा मृत्यु भएकी महिला न्यूजिल्याण्डकी थिइन् । घटनाको जानकारी पाएलगत्तै प्रहरी टोली घटनास्थल पुगेको थियो । टेनिङ सैलुनमा छिरेको २ घण्टापछि नवविवाहित बेहुलीको मृत्युको खबर बाहिरिएको छ । त्यसैगरी श्रीमानले यस मामिलामा टेनिङ सैलुनले लापरवाही गरेको आरोप लगाएका छन् ।

महिलाको नाम पियता तौहार (३०) हो । उनी मानसिक स्वास्थ्यकर्मी थिइन् । उनी मे २८ मा वेल्सको स्वान्सी टेनिङ सैलुनमा मृत फेला परेकी थिइन् । उनी मुटुको समस्याबाट पीडित रहेको बताइएको छ ।

उनले टेनिङ सैलुनमा ११ मिनेटको लागि आफ्नो सेसन बुक गरेकी थिइन् । यस क्रममा उनका पति इफान जोन्सले दुई घण्टासम्म फोन गरिरहे तर उनले कुनै जवाफ पाएनन् । पछि महिलाकी सासु पनि उनलाई खोज्दै त्यहाँ पुगेकी थिइन् ।

पियताका श्रीमान् इफानले आफ्नी श्रीमतीलाई भेट्ने जो कोहीले पनि उनी कति दयालु थिइन् भन्ने कुरा राम्ररी थाहा हुने बताए । उनलाई भेट्ने व्यक्तिले उनलाई सधैं सम्झिरहनेछ– उनले भने ।

यसैबीच न्युजिल्याण्ड हेराल्डसँग कुरा गर्दै पियताका श्रीमानले यस विषयमा टेनिङ सैलुनले लापरवाही गरेको आरोप लगाए। उनले श्रीमतीको मृत्युपछि सोधिएका प्रश्नको जवाफ चाहेको बताए । उनी भेटिएको कोठा रिसेप्शन डेस्कको ठीक अगाडि थियो, त्यसैले उनलाई कसैले देख्न नसक्ने अवस्था कसरी हुन सक्छ भनेर उनले सोधेका छन् ।

तर, टेनिङ सैलुनले परिवारप्रति समवेदना प्रकट गर्दै घटनाको अनुसन्धानमा सहयोग गर्ने बताएको छ । सैलुन कर्मचारी एम्मा कोलर माइल्सले थाहा पाउँदासम्म उनी (पियता)को मृत्यु भइसकेको बताइन् ।

साउथ वेल्स प्रहरीका डिटेक्टिभ इन्स्पेक्टर ग्यारेथ जोन्सले भने कि उनले मे २८ मा साँझ ४:०५ बजे यस विषयमा जानकारी पाएका थिए। यो जानकारी वेल्स एम्बुलेन्स सेवा द्वारा दिइएको थियो। जसमा भनिएको थियो कि महिलाको शव वेल्सको फोरेस्टफाचको कारमार्थन रोडमा रहेको व्यावसायिक परिसरमा फेला परेको थियो।