सुनौलो नेपाल
काठमाडौं । बजेट निर्माणमा अनधिकृत व्यक्तिको प्रवेशका विषयमा छानबिन गर्न गठित संसदीय विशेष समिति सीसीटीभी फुटेज रिकभरको सम्भावना खोज्ने तयारीमा जुटेको छ । समिति अर्थ मन्त्रालयको सिस्टमबाट डिलिट भएको सीसीटीभी फुटेज रिकभर गराउने तयारीमा जुटेको हो ।
आइतबारसम्म बजेट निर्माणमा संलग्न अर्थ मन्त्रालयका अधिकारी र सीसीटीभी फुटेजसँग सम्बन्धित व्यक्तिसँग एकसरो छलफल सकेको समितिले सोमबार अर्थ मन्त्रालयमा सीसीटीभी फुटेज संग्रह हुने सिस्टम (सफ्टवेर) नै मगाएको थियो ।
सफ्टवेरमा पनि बजेट सार्वजनिक भएको अघिल्लो दिन १४ जेठको रातिको सीसीटीभी फुटेज नभेटेपछि समितिले त्यसलाई रिकभर गराउने सम्भावनाबारे छलफल सुरु गरेको हो ।
समितिका सचिव सुरेन्द्र अर्याल भन्छन्, ‘हार्डड्राइभ मागेर हेर्यौं । सिस्टम नै मगाएर हेर्यौं । तर, खोजेको दिनको सीसीटिभी फुटेज भेट्टाएनौं । अब सिस्टमबाट रिकभर गराउने विषयमा छलफल गरिरहेका छौं ।’ सचिव अर्यालका अनुसार सीसीटिभी फुटेज रिकभर गर्ने सन्दर्भमा विज्ञहरुसँग समेत राय लिएर अगाडि बढ्ने समितिको तयारी छ ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
