दाङ । दाङमा यात्रुबाहक बस दुर्घटना हुँदा १८ जना यात्रु घाइते भएका छन् । घोराहीबाट तुलसीपुर जाँदै गरेको ना ४ ख ५१३१ नम्बरको बस आइतबार अनियन्त्रित भई तुुलसीपुर उपमहागनगरपाकिला वडा नं. ७ हात्तीखौवामा दुुर्घटना भएको हो ।

जिल्ला प्रहरी कार्यालय दाङका प्रहरी प्रवक्ता राजनकुुमार गौतमले घाइतेहरुको स्थानीय अस्पतालमा उपचार भइरहेको बताए ।

यात्रुवाहक बस एक्कासी अनियन्त्रित भई सडकमा पल्टिएको जिल्ला प्रहरी प्रवक्ता डीएसपी गौतमले बताए । घाइतेहरूको राप्ती प्रादेशिक अस्पताल तुलसीपुरमा उपचार भइरहेको उनले जानकारी दिए ।