काठमाडौं । निर्वाचन आयोगले स्थानीय तहमा निर्वाचित जनप्रतिनिधिलाई आफू बहाल रहेको पालिकामा प्रचार नगर्न निर्देशन दिएको छ । आचारसंहिता पालनाबारे सात बुँदे निर्देशन जारी गर्दै आयोगले यस्तो भनेको हो।

आयोगले जारी गरेको निर्देशनमा भनिएको छ ‘निर्वाचन आचारसंहिता, २०७९ को दफा बमोजिम स्थानीय कार्यपालिकाका पदाधिकारीले आफू बहाल रहेको स्थानीय तहमा निर्वाचन प्रचार प्रसार नगर्ने र सो नियमको प्रतिवन्धात्मक अशको खण्ड ४ बमोजिम अन्य स्थानीय तहमा निर्वाचन प्रचार प्रसार गर्दा तथा प्रचार प्रसारका लागि जादा वा आउँदा समेत सरकारी साधन तथा जनशक्ति उपयोग नगर्ने ।

आयोगले कात्तिक १२ गतेअघि कुनै पनि राजनीतिक उम्मेदवारले आमसभा तथा कोणसभा नगर्न निर्देशन दिएको छ। आयोगले अनुमति दिएको सवारी साधनमात्रै प्रयोग गर्न आयोगले भनेको छ।