झापा– नेकपा (एमाले)का अध्यक्ष केपी शर्मा ओलीले मुलुक थप अस्थिर हुने आशंका व्यक्त गरेका छन् ।

निर्वाचित भएपछि गृहनगर दमकस्थित निवासमा रहेका अध्यक्ष ओलीले २०७२ पछि ओलीको नेतृत्वमा स्थिरतातर्फ उन्मुख राजनीतिलाई जारी चुनावी नतिजाले नेपाललाई थप अस्थिरता र संशयतर्फ उन्मुख गराएको ओलीको भनाइ छ । यो निर्वाचन परिणामले मुलुक अस्थिरतातर्फ जाने खतरा बढेको उनले तर्क गरे ।

उनले सरकार निर्माण गर्दा झन् विकृति पैदा हुने अवस्था आएको ओलीको भनाइ उद्धृत गर्दै एमाले प्रचार विभाग सदस्य चेतन अधिकारीले जानकारी दिए । ओलीले अब मुलुकमा मिलीजुली सरकार निर्माण गर्नुपर्ने अवस्था आएको बताएका छन् ।

ओलीले एमाले मुलुकमा स्थिरता, स्थायित्व कायम गर्न खोजेको तर त्यसअनुसार निर्वाचनको परिणाम भने नआएकाले मिलीजुली सरकार बनाउनेतर्फ राजनीतिक पार्टी लाग्नुपर्ने अवस्था सिर्जना भएको बताएका छन् । उनले अबको एक–दुई वर्ष बहुमतको सरकार बनाउन गाह्रो हुने र बहुमतको सरकार बनिहाले पनि टिकाउन गाह्रो हुने बताए ।