काठमाडौं– नेकपा (एमाले)का अध्यक्ष केपी शर्मा ओलीले आज प्युठानका नवनिर्वाचित एमाले सांसदलाई सम्मान गर्नुहुने भएको छ ।

एमाले प्युठान-काठमाडौं सम्पर्क मञ्चले शनिबार बिहान ११:३० बजे पार्टी कार्यालय तुल्सीलाल सभा हल, च्यासलमा आयोजना गरेको कार्यक्रममा अध्यक्ष ओलीले प्रतिनिधि सभा सदस्य सूर्य थापा र प्रदेश सभा (१) सदस्य तुलसीराम शर्मालाई सम्मान गर्ने कार्यक्रम छ ।

कार्यक्रममा अध्यक्ष ओलीले सम्मानसँगै सम्बोधन गर्ने कार्यक्रम तय भएको मञ्चले जनाएको छ ।

मञ्चले पाँच दलीय गठबन्धनविरुद्ध एमालेको जीत निकाल्न खट्ने नेता कार्यकर्ता, समर्थक, शुभेच्छुक र मतदातालाई धन्यवाद दिने कार्यक्रम राखेको हो ।

मंसिर ४ गते भएको निर्वाचनमा एमाले पोलिटब्युरो सदस्य थापाले पाँच दलीय गठबन्धनबाट जनमोर्चाकी उपाध्यक्ष दुर्गा पौडेललाई भारी मतले हराउनुभएको थियो ।