काठमाडौँ । नागरिक उन्मुक्ति पार्टीकी अध्यक्ष तथा प्रतिनिधिसभा सदस्य रञ्जिता श्रेष्ठले टीकापुर घटनाका थारु राजबन्दी रिहा नभएसम्म आफूहरु सरकारमा सहभागी नहुने बताएकी छन् । मंगलबार प्रतिनिधिसभामा प्रधानमन्त्री पुष्पकमल दाहालले प्रस्तुत गरेको विश्वासको मतको प्रस्तावमाथिको छलफलमा भाग लिँदै उनले यस्तो बताएकी हुन् ।

आफ्नो पार्टी गठबन्धनमा सहभागी हुने तर राजबन्दीहरू रिहा हुनुपर्ने बताइन् ।

‘‘हामी गठबन्धनमै सहभागी भइरहन चाहन्छौं । सुदूरपश्चिममा हाम्रो सरकार होस् । लाल आयोगको प्रतिवेदन सार्वजनिक गर्नुहोस्,” उनले भनिन् ।

प्रधानमन्त्री प्रचण्डले दिएको मौखिक वाचा पूरा भएको भए आफूहरु सत्तापक्षकै कुर्सीमा बस्ने थियौं भन्दै अध्यक्ष श्रेष्ठले भनिन्, ‘जबसम्म हाम्रो माग पूरा हुँदैन, तबसम्म हामी प्रतिपक्षकै कुर्सीमा बस्नेछौं ।’