सुनौलो नेपाल
भोजपुर । आफ्नै साथीको हत्या गरेको आरोपमा भोजपुरमा ६ जनालाई पक्राउ गरिएको छ । भोजपुर नगरपालिका–१२ टक्सारका १८ वर्षीय दिप्सन प्रधानको हत्या गरेको आरोपमा ६ जनालाई पक्राउ गरिएको जिल्ला प्रहरी कार्यालय भोजपुरले जनाएको छ ।
घटना गत शुक्रवार भए पनि हिजो मात्रै सूचना पाएको जिल्ला प्रहरी कार्यालय भोजपुरका प्रमुख सरतकुमार थापा क्षेत्रीले जानकारी दिए ।
हिजो आफन्तले प्रधान हराएको भन्दै खोजीका लागि उजुरी दिएका थिए । उनका अनुसार ज्यान गुमाएका प्रधानको शव अखुवा खोला बगरभित्र खनेर गाँडेको अवस्थामा फेला परेको छ ।
प्रधानको हत्या गरी शव पुरेको हुन सक्ने प्रहरीले अनुमान गरेको छ । प्रहरीले उनीहरुलाई गएराति भोजपुरकै विभिन्न ठाउँबाट पक्राउ गरेको हो । हत्या आरोपमा पक्राउ परेकामाथि अनुसन्धान भइरहेको प्रहरीले जनाएको छ ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
