काठमाडौँ । मादक पदार्थ (दारु) सेवन गरी एक जनाले आफ्नै घरमा आगो लगाएका छन् ।
आफ्नो घरमा आगो लगाउनेमा गुल्मीको धुर्कोट गाउँपालिका– ६ रजस्थल बस्ने ५९ वर्षीय रेखबहादुर परियार रहेका प्रहरीले जनाएको छ ।
परियारले आफ्नो घरमा आगो लगाएपछि स्थानीयका घरहरुमा पनि आगो लगाउने धम्की दिएका थिए । मदिरा सेवन गरी आफ्नो घरमा आगो लगाउँदा घर जलेर पुर्णरुपमा क्षति भएको प्रहरीले जनाएको छ ।
आफ्नै घरमा आगो लगाउने परियारलाई पक्राउ गरी अनुसन्धान भइरहेको जिल्ला प्रहरी कार्यालय गुल्मीका प्रहरी नायव उपरीक्षक शंकर पोखरेलले बताए ।