काठमाडौँ । कतारका अमिर (राजा) शेख तमिम बिन हमाद अल थानी भोलीदेखि नेपालको दुई दिने औपचारिक भ्रमणका लागि आउँदै छन् ।

उनको स्वागत गर्न राष्ट्रपति रामचन्द्र पौडेल आफैँ विमानस्थलमा जाने कार्यक्रम तय भएको छ । थानीलाई राष्ट्रपति पौडेलले विमानस्थलमा पुगेर स्वागत गर्ने कार्यक्रम रहेको राष्ट्रपतिको कार्यालयले जनाएको छ ।

थानी मंगबार साँझ त्रिभुवन अन्तर्राष्ट्रिय विमानस्थलमा आइपुग्ने कार्यक्रम छ । मंगबार  सरकारले सार्वजनिक बिदा दिने निर्णय गरिसकेको छ ।