काठमाडौं। पर्यटन व्यवसायी तथा साँग्रिला होटल ग्रुपका संस्थापक अध्यक्ष श्यामबहादुर पाण्डेको ८८ वर्षको उमेरमा निधन भएको छ । पाण्डेको सोमबार ग्रान्डि अस्पतालमा उपचारको क्रममा बिहान निधन भएको हो ।

सांग्रिला होटल ग्रुपका संस्थापक अध्यक्ष पाण्डे होटल संघ नेपालका पूर्व अध्यक्ष पनि हुन् । स्वर्गीय पाण्डेका दुई छोरा प्रसिद्धबहादुर पाण्डे र प्रविणबहादुर पाण्डे र एक छोरी छन्।

लामो समयदेखि अस्वस्थ रहेका पाण्डेलाई केही दिन अगाडि ग्राण्डी अस्पतालमा उपचारका लागि भर्ना गरिएको थियो । उपचारका क्रममा सोमबार बिहान निधन भएको हो। उनको पार्थिव शरीरलाई श्रद्धाञ्जलिका लागि आज १ बजेदेखि ३ बजेसम्म बसुन्धारा निवासमा राखिनेछ। त्यसपछि आजै ३ बजेपछि अन्त्येष्टिका लागि पशुपति आर्यघाट लगिने पारिवारिक स्रोतले जनायो ।

नेपालको पर्यटन क्षेत्रमा ठूलो योगदान दिएका पाण्डेले काठमाडौंसहित पोखरा र चितवनमा पनि पाँचतारे होटल स्थापना गरेर पर्यटकहरुलाई सेवा पुर्‍याइरहेका छन्। उनल राजधानीको लाजिम्पाटमा रहेको साँग्रिला होटलको पुनर्निमाण गरिरहेका छन् ।