काठमाडौं । यो साताका लागि अन्तिम कारोबार दिन बुधबार १४.४३ अंक घटेर नेप्से २६७७ मा ओर्लिएको छ । बजार घट्दा कारोबार रकम पनि घटेको छ ।

मंगलबार ६ अर्ब १२ करोडको कारोबार भएकोमा आज ५ अर्ब ९५ करोडको कारोबार भएको नेप्सेले जनाएको छ ।

आज सीएचडिसी कम्पनीको ३४ करोड १७ लाख रुपैयाँको शेयर कारोबार भएको छ । सानिमा जिआइसीको २६ करोड ५ लाख रुपैयाँ र सोल्टी होटलको २० करोड ९८ लाख रुपैयाँको शेयर कारोबार भएको छ ।

बुधबार ७५ कम्पनीको मूल्य बढ्दा १६४ कम्पनीको घटेको छ । ५ कम्पनीको मूल्य स्थिर रह्यो । होटल तथा पर्यटन समूहको सूचक २.५२ प्रतिशत बढ्यो । त्यसबाहेक निर्जीवन बीमा ०.४९ र व्यापार समूह ०.३२ प्रतिशत बढ्दा अरु समूह घटे ।

लगानी समूह सबैभन्दा धेरै १.४१ प्रतिशत घट्यो ।

गुराँस लघुवित्त, मिडसोलु हाइड्रोपावर, अपरस्याङ्गे हाइड्रोपावर र कुथेली बुकरी स्मल हाइड्रोपावरको मूल्य १० प्रतिशत बढ्यो ।

आज गुराँस लघुवित्त वित्तीय संस्था र मिड सोलु हाइड्रोपावरका लगानीकर्ताले १० प्रतिशतका दरले कमाएका छन् । अपर स्याङगे हाइड्रोका लगानीकर्ताले ९ दशलमव ९९ प्रतिशतका दरले कमाएका छन् । कुथेली बुखरीका लगानीकर्ताले ९ दशमलव ९८ प्रतिशतका दरले कमाएका छन् ।

आज जानकी फाइनान्सका लगानकिर्ताले ४ दशलमव ९० प्रतिशतका दरले गुमाएका छन् ।