एउटा पांग्रा जनकपुरमै छोडेर बुद्ध एयरको जहाज काठमाडौं अवतरण

सुनौलो नेपाल

बिहिवार , फाल्गुण २२, २०८१

एउटा पांग्रा जनकपुरमै छोडेर बुद्ध एयरको जहाज काठमाडौं अवतरण

काठमाडौं । बुद्ध एयरको नाइनएनएएच जहाजले अगाडिको एउटा पांग्रा (नोज ह्वील) बिना नै काठमाडौं अवतरण गरेको छ ।

बिहीबार जनकपुरबाट आएको उक्त जहाजले एउटा पांग्रा बिना नै काठमाडौं अवतरण गरेको हो ।

जनकपुबारबाट ४ः४५ मा काठमाडौं आएको उक्त जहाजको एउटा नोज ह्वील जनकपुरमै छुटेको हो ।

नागरिक उड्डयन प्राधिकरणका अनुसार काठमाडौंमा अवतरण गरिसकेपछि पोष्टफ्लाइट चेक गर्दा अगाडिको नोज ल्यान्डिङ गेयरको एउटा टायर नदेखिएपछि जनकपुरमा चेक गर्न लगाउँदा विमानस्थलको रनवेको टर्निङमै ल्यान्डिङ गेयर भेटिएको हो ।

जहाज सुरक्षित अवतरण गरिसकेको छ । यस जहाजमा ६२ जना यात्रु थिए ।