मंगलवार, आषाढ ९ गते २०८३
मंगलवार, आषाढ ९ गते २०८३
मंगलवार, आषाढ ९ गते २०८३
मंगलवार , जेठ ७, २०८२
काठमाडौं । आजको प्रतिनिधि सभा बैठकमा प्रधानमन्त्री केपी शर्मा ओलीले सांसदहरूले सोधेको प्रश्नको जवाफ दिने कार्यसूची थियो । तर, स्वास्थ्यको कारण आजको बैठकमा प्रधानमन्त्री उपस्थित हुन नसक्ने भएपछि प्रश्नोत्तरको कार्यसूची हट्ने भएको छ ।
स्वास्थ्यका कारण प्रधानमन्त्री संसदमा उपस्थित हुन नसक्ने भएका हुन् । प्रत्येक महिना सांसदहरूसँग प्रधानमन्त्रीको प्रश्नोत्तर कार्यक्रम अन्तरगत आजको बैठकमा कार्यसूची राखिएको थियो ।
आज विहान ११ बजेका लागि संसद बैठक आह्वान भएको छ । बैठकमा पूर्वाधार विकास समितिका सभापति दिपकबहादुर सिंहले ‘पूर्वाधार विकास समितिको वार्षिक प्रतिवेदन, २०८१’ पेस गर्ने सम्भावित कार्यसूची तय भएको सङ्घीय संसद् सचिवालयका महासचिव पद्यप्रसाद पाण्डेयले जानकारी दिए ।
साथै भूमि व्यवस्था तथा गरिबी निवारणमन्त्री बलराम अधिकारीले ‘भूमिसम्बन्धी केही नेपाल ऐनलाई संशोधन गर्ने विधेयक, २०८२ माथि विचार गरियोस्’ भन्ने प्रस्ताव प्रस्तुत गर्ने छन् ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस