काठमाडौँ । मन्त्रिपरिषद् बैठक प्रधानमन्त्रीको सरकारी निवास बालुवाटारमा सुरू भएको छ । मङ्गलबार साँझ ६ बजे बालुवाटारमा मन्त्रिपरिषद् बैठक सुरू भएको हो ।
आजको मन्त्रिपरिषद् बैठकले नेपाल राष्ट्र बैङ्कको गभर्नर नियुक्त गर्नेछ ।
आज दिउँसो नेपाली कांग्रेसका सभापति शेरबहादुर देउवा र प्रधानमन्त्री केपी शर्मा ओलीबीच भेटवार्ता भएको थियो ।
उक्त भटमा गभर्नरमा विश्व पौडेललाई नियुक्त गर्ने सहमति भएको थियो ।
गभर्नर सिफारिस समितिले पौडेललाई पहिलो नम्बरमा राख्दै निलम ढुङ्गाना तिम्सिना र दिनेश भट्टराईको नाम सरकारसमक्ष सिफारिस गरेको छ । तर बैठकले पहिलो नम्बरमा रहेका पौडेललाई नेपाल राष्ट्र बैङ्कको गभर्नरमा नियुक्त गर्नेछ ।
प्रतिक्रिया दिनुहोस