बालेनले संयमित हुन आग्रह गर्दै भने 'अब देशको नेतृत्व जेनजी पुस्ताले गर्छ'

सुनौलो नेपाल

मंगलवार , भाद्र २४, २०८२

बालेनले संयमित हुन आग्रह गर्दै भने 'अब देशको नेतृत्व जेनजी पुस्ताले गर्छ'

काठमाडौं । काठमाडौं महानगरका मेयर बालेन साहले अब देशको नेतृत्व देशको जेनजी पुस्ताले नै गर्नुपर्ने भन्दै तयार रहन आग्रह गरेका छन् ।

उनले प्रधानमन्त्री केपी शर्मा ओलीलाई हत्याराको सम्बोधन गर्दै भनेका छन्, ‘हामीले स्पष्ट रूपमा भनेका थियौं । यो नितान्त जेनजीको आन्दोलन हो । प्रिय जेनजी, तपाईंहरूको हत्याराको राजीनामा आइसकेको छ । अब संयमित हुनुहोला !'

उनले देशको जनधनको क्षति भनेको हाम्रै सम्पत्तिको क्षति भएको भन्दै संयमित हुन आग्रह गरेका हुन् । 'तपाईं–हामी अब संयमित हुनु जरुरी छ । अब तपाईंको पुस्ताले नै देशको नेतृत्व गर्नु पर्नेछ । तयार रहनुहोला ! साथै, सेना प्रमुखसँग वार्ता गर्न पनि तयार हुनुहोला । तर याद रहोस् — वार्ता गर्नु अघि संसद् विघटन भएको हुनुपर्छ ।'