काठमाडौं । वरिष्ठ अधिवक्ता सविता भण्डारी बराल महान्यायाधिवक्तामा नियुक्त भएकी छन् । नवनियुक्त प्रधानमन्त्री सुशीला कार्कीले भण्डारीलाई महान्यायाधिवक्ता नियुक्त गरेकी हुन् ।
सबिता नेपालको इतिहासकी प्रथम महिला महान्यायाधिवक्ता हुन् ।
आजैमात्रै महान्यायाधिवक्ता रमेश बडालले दिएको राजीनामा राष्ट्रपति रामचन्द्र पौडेलले स्वीकृत गरेका थिए ।
जेनजी आन्दोलनको दबाबमा प्रधानमन्त्री कार्कीको नत्रृत्वमा अन्तरिम सरकार गठन भएको हो । उनी नेपालको इतिहासकै प्रथम महिला प्रधानमन्त्री हुन् ।
त्यस्तै, प्रधानमन्त्री कार्की आजै पाँच जना मन्त्री नियुक्त गर्ने तयारीमा छन् ।

प्रतिक्रिया दिनुहोस