काठमाडौं । नेपाली बजारमा सोमबार सुनको मूल्य प्रतितोला २ हजार ९०० रुपैयाँ बढेको छ ।
नेपाल सुनचाँदी व्यवसायी महासंघका अनुसार आज सोमबार प्रतितोला सुन २ लाख ४१ हजार ५०० रुपैयाँ कायम भएको छ।
सोही परिमाणको सुन अघिल्लो दिन तोलामा २ लाख ३८ हजार ६०० रुपैयाँमा कारोबार भएको थियो ।
यस्तै, आज चाँदीको मूल्य पनि बढेको छ । आइतबार तोलामा ३ हजार १५ रुपैयाँ कायम भएको चाँदीको मूल्य सोमबार बढेर तोलामा ३ हजार ६५ रुपैयाँ कायम भएको हो ।
प्रतिक्रिया दिनुहोस