काठमाडौं । राष्ट्रिय स्वतन्त्र पार्टी (रास्वपा) छोडेर प्रगतिशील लोकतान्त्रिक अभियानमा लागेका सन्तोष परियारले अग्रज पुस्ताको अनुभव र जेनजी पुस्ताको भावनालाई समेट्दै अघि बढ्ने बताएका छन् ।
आज काठमाडौंको राष्ट्रिय सभागृहमा आयोजित एकता घोाषणा सभालाई सम्बोधन गर्दै यस्तो बताएका हुन् ।
उनले आफूहरु हिँड्न थालेको बाटो सहज नभएको बताउँदै सजिलो बाटो हिँड्न छुट पनि नभएको बताए ।
उनले अब एउटा निकै ठूलो संघर्ष गर्ने बेला आएको बताए । प्रगतिशील राष्ट्रिय अभियानमा आबद्ध हुन पनि उनले सबैलाई आह्वान गरे ।
आजसम्म शासकका इतिहास लेखिएको भन्दै अब जनताका इतिहास लेखिने उनले बताए ।
प्रतिक्रिया दिनुहोस