सोमवार, जेठ २५ गते २०८३
सोमवार, जेठ २५ गते २०८३
सोमवार, जेठ २५ गते २०८३
मंगलवार , पौष २९, २०८२
काठमाडौं । नेपाली कांग्रेस विशेष महाधिवेशन पक्षका केन्द्रीय सदस्यहरूले पार्टीको केन्द्रीय कार्यसमिति बैठकमा सहभागी नहुने निर्णय गरेका छन्।
आज बिहान ११ बजे बस्नेगरी आह्वान गरिएको केन्द्रीय कार्यसमिति बैठक पार्टी केन्द्रीय कार्यालय सानेपामा हुने तय भए पनि विशेष महाधिवेशन पक्षका नेताहरू बैठकमा नजाने भएका हुन्।
विशेष महाधिवेशन सम्पन्न भएपछि कांग्रेसभित्र विवाद थप चर्किएको छ। संस्थापन पक्षका नेताहरूले विशेष महाधिवेशनलाई अवैधानिक भन्दै आएका छन् भने विशेष महाधिवेशन पक्षधरहरूले भने नेतृत्व र नीति चयन गर्ने प्रक्रियालाई अघि बढाउने अडान लिएका छन्।
यसैबीच पार्टीभित्र देखिएको विवाद समाधानका लागि आजै दुवै पक्षबीच वार्ता हुने बताइएको छ। यद्यपि वार्ताको समय र स्थान भने अझै तय भइसकेको छैन।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस