सोमवार, जेठ २५ गते २०८३
सोमवार, जेठ २५ गते २०८३
सोमवार, जेठ २५ गते २०८३
बिहिवार , माघ १५, २०८२
काठमाडौं । बिहानैदेखि काठमाडौंसहित देशका विभिन्न भागमा बाक्लो हुस्सु र कुहिरो लागेको कारण प्रमुख विमानस्थलमा उडान प्रभावित भएको छ। यसबाट यात्रु तथा विमान सेवामा ठुलो असुविधा पुगेको छ।
बुद्ध एयरका अनुसार काठमाडौं, विराटनगर, राजविराज, नेपालगन्ज, धनगढी, सुर्खेत र तुम्लिङटार विमानस्थलमा मौसम अनुकूल नभएको कारण आजका लागि उडान सुरु हुन सकेको छैन। विमानस्थल स्रोतका अनुसार मौसममा सुधार आएसँगै उडान तथा अवतरण फेरि सुरु हुने सम्भावना रहेको छ।
विशेषगरी बिहानको समयमा बाक्लो कुहिरोले दृश्यता अत्यन्त कम हुँदा पाइलटहरूले सुरक्षित उडानको लागि विमानस्थलमा अवतरण गर्न कठिनाइ महसुस गरेका थिए। मौसम विभागका अनुसार देशका धेरै भागमा आज बिहानसम्म कुहिरो र हुस्सुको असर रहने अनुमान छ, तर दिउँसोपछि सुधार हुने जनाएको छ ।
काठमाडौं विमानस्थल व्यवस्थापनले यात्रुहरुलाई आवश्यक सतर्कता अपनाउन आग्रह गरेको छ। यस अवस्थामा विमानस्थल प्रशासनले मौसम अनुकूल भएमा मात्रै उडान संचालन गर्ने स्पष्ट सूचना जारी गरेको छ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस