शनिवार, जेठ २३ गते २०८३
शनिवार, जेठ २३ गते २०८३
शनिवार, जेठ २३ गते २०८३
बिहिवार , चैत्र १९, २०८२
काठमाडौं । प्रवासी नेपाली मञ्च अन्तर्राष्ट्रिय कमिटी महिला विभागको आयोजनामा सातदिने ‘एडभान्स नेल आर्ट’ तालिम सुरु भएको छ। बुधबारदेखि सुरु भएको उक्त तालिममा ३३ जना विद्यार्थी सहभागी भएका छन्।
प्रवासी नेपाली मञ्चको आफ्नै भवनमा सुरु भएको तालिमको उद्घाटन गर्दै मञ्चका निर्वतमान अध्यक्ष सञ्जय थापाले तालिम लिएर आत्मनिर्भर बन्न र देशमै केही गर्न सकियोस् भन्ने शुभकामना व्यक्त गरे। उनले तालिम केवल प्रमाणपत्रका लागि मात्र नभई सिप सिकेर उद्यमी बन्नका लागि लिनुपर्ने बताए। साथै तालिमपछि स्वरोजगार बन्न र आत्मनिर्भर हुन सहभागीहरूलाई आग्रह गरे।
कार्यक्रममा रिटर्नी फेडेरेशनका अध्यक्ष विनोद भट्टराईले सिपमूलक तालिम विदेश जाने महिला दिदीबहिनीहरूका लागि अत्यन्त आवश्यक रहेको बताए। समयअनुसारको सिप सिकाइले व्यक्तिलाई व्यवसायिक बनाउन थप मद्दत पुग्ने उनको विश्वास थियो।
प्रशिक्षक तथा नेल टेक्निसियन श्रृति खड्गीले नङ सिंगार्नु भनेको व्यक्तिको आत्मविश्वास बढाउने कार्य भएको बताउँदै तालिम अवधिभर सहभागीलाई सकेसम्म धेरै ज्ञान र सीप प्रदान गर्ने प्रयास गर्ने बताइन्।
महिला विभागकी सचिव सरिता भट्टराईले नेल आर्टको माध्यमबाट महिलालाई आत्मनिर्भर, सशक्त र व्यवसायिक बनाउन सिप विकास गराउने उद्देश्यले तालिम आयोजना गरिएको जानकारी दिइन्। यसअघि नै बेसिक तालिम लिइसकेका ३३ जना विद्यार्थीलाई पुनः एडभान्स तालिम दिई उनीहरूको सिपलाई थप निखार गर्ने प्रयास गरिएको उनले बताइन्।
सौन्दर्यका विभिन्न विधामध्ये पछिल्लो समय महिलाहरूले नङलाई पनि विभिन्न तरिकाले सजाउने चलन बढ्दै गएको सन्दर्भमा तालिम आयोजना गरिएको आयोजकले जनाएको छ। प्रवासी नेपाली मञ्च विश्वभर छरिएर रहेका नेपालीहरूको हकहितका लागि काम गर्दै आएको संस्था हो।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस