शनिवार, जेठ २३ गते २०८३
शनिवार, जेठ २३ गते २०८३
शनिवार, जेठ २३ गते २०८३
शुक्रवार , चैत्र २०, २०८२
काठमाडौं । गृहमन्त्री सुदन गुरुङले गएराति काठमाडौं मेडिकल कलेज (केएमसी) अस्पताल पुगेर जेनजी आन्दोलनका क्रममा घाइते भएकाहरूको स्वास्थ्य अवस्थाबारे जानकारी लिएका छन् ।
गृहमन्त्री बनेलगत्तै आक्रामक रूपमा प्रस्तुत भइरहेका गुरुङ गए राति अबेर अस्पताल पुगेका थिए । उनले अस्पतालमा उपचाररत घाइतेहरूलाई भेट्दै उनीहरूको शीघ्र स्वास्थ्य लाभको कामना गरे । सो क्रममा मन्त्री गुरुङले घाइतेहरूको उपचारमा संलग्न चिकित्सकहरूसँग परामर्श गरी उनीहरूको पछिल्लो स्वास्थ्य स्थितिको विस्तृत जानकारी लिएको गृहमन्त्रीको निजी सचिवालयले जनाएको छ ।
आन्दोलनका घाइतेहरूलाई पूर्वसांसद एवं केएमसीका सञ्चालक डा. सुनिल शर्माले आफ्नै पहलमा निःशुल्क उपचार सेवा प्रदान गर्दै आएका छन् । राज्यले गर्नुपर्ने दायित्वमा निजी क्षेत्रबाट उल्लेख्य सहयोग भएको भन्दै गृहमन्त्री गुरुङले डा. शर्मा र केएमसी अस्पताल परिवारप्रति विशेष आभार प्रकट गरे ।
जेनजी आन्दोलनमा भएको दमनलाई लिएर पूर्वप्रधानमन्त्री केपी शर्मा ओलीसहितका उच्च पदस्थ व्यक्तिहरूमाथि पक्राउ र अनुसन्धानको प्रक्रिया अघि बढाएका गृहमन्त्रीको यो अस्पताल यात्रालाई अर्थपूर्ण रूपमा हेरिएको छ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस