शुक्रवार, जेठ २२ गते २०८३
शुक्रवार, जेठ २२ गते २०८३
शुक्रवार, जेठ २२ गते २०८३
शुक्रवार , चैत्र २०, २०८२
काठमाडौं । राष्ट्रिय स्वतन्त्र पार्टी(रास्वपा)का सभापति रवि लामिछानेले संसदमा लोकतान्त्रिक प्रणालीलाई प्रहार हुने किसिमको व्यवहार नहुने बताएका छन् ।
शुक्रबार सिंहदरबारमा सञ्चारकर्मीसँग कुरा गर्दै लामिछानेले संसदमा प्रतिपक्षीलाई दमन गर्ने, नागरिकको मुद्दाहरुलाई बन्देज गर्ने जस्ता लोकतान्त्रिक प्रणालीलाई प्रहार हुने किसिमको व्यवहार नहुने बताएका हुन् । संसदीय मर्यादा, संसदीय नियमावलीका अनुशासनको मापदण्डको पूर्णरुपमा पालना हुने उनको भनाइ छ ।
उनले रास्वपा उपसभापति डीपी अर्याले सभामुख भइसकेपछि पार्टीभन्दा पनि सदनप्रति उत्तरदायि हुने विश्वास व्यक्त गरे । सभापति लामिछानेले उपसभापतिका बिषयमा भने अहिले कुनै पार्टीसंग छलफल नभएको जानकारी दिए । उनले न्याय पाउने पहिलो हक जेनजी आन्दोलनका शहीद परिवारलाई रहेको भन्दै पछिल्लो घटनाक्रमलाई राजनीतिक प्रतिशोध भन्न नमिल्ने बताए । रास्वपा नेतृत्वको सरकारको गतिविधि पब्लिक अडिटमा रहेकाले सवै गतिविधिहरु पारदर्शी हुने उनको भनाइ छ ।
उनले रास्वपालाई जनताले दिएको म्याण्डेड अनुसार नीतिगत रुपमा नै बोलेर भन्दा काम गरेर सुधारका अभिभाराहरुलाई पुरा गर्ने धारणा राखे ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस