शनिवार, जेठ २३ गते २०८३
शनिवार, जेठ २३ गते २०८३
शनिवार, जेठ २३ गते २०८३
शनिवार , चैत्र २१, २०८२
काठमाडौं । नयाँ जनादेशअनुसार सरकार गठन भएसँगै नेपाल प्रहरीले उपत्यकामा गुण्डागर्दीविरुद्ध आक्रामक अपरेशन सुरु गरेको छ । उपत्यकामा बढ्दो गुण्डागर्दी र बिचौलियाको बिगबिगीलाई लक्षित गर्दै प्रहरीले अभियानकै रूपमा पक्राउ र अनुसन्धान प्रक्रियालाई तीव्रता दिएको हो ।
काठमाडौं उपत्यका अपराध अनुसन्धान कार्यालयले शुक्रबार राति मात्रै १३ जनालाई विभिन्न स्थानबाट नियन्त्रणमा लिएको छ। प्रहरीका अनुसार पक्राउ पर्नेहरूमा नाम चलेका गुण्डा नाइकेहरू अशोक राई, सञ्जीव लामा, सुरेश गुरुङ र किमजोङ बोस समेत रहेका छन् । उनीहरूलाई उपत्यकाका विभिन्न संवेदनशील क्षेत्रबाट नियन्त्रणमा लिइएको हो ।
अपराध अनुसन्धान कार्यालयसँगै जिल्ला प्रहरी परिसर काठमाडौंले पनि ४ जनालाई नियन्त्रणमा लिएको छ । परिसरका अनुसार बाफलका बिर्जु महर्जन, कलंकीका सुरज कार्की, स्यूचाटारका सरु हुमागाईं र श्याम लामा समूहका प्रविण गुरुङ पक्राउ परेका हुन् ।
प्रहरीले केवल गुण्डागर्दी मात्र नभई सरकारी कार्यालयहरूमा सर्वसाधारणलाई सास्ती दिने बिचौलियाहरूमाथि पनि निगरानी बढाएको छ । सरकारी सेवामा बिचौलियाको बिगबिगी बढेको जनगुनासोपछि प्रहरीले उनीहरूलाई समेत नियन्त्रणमा लिएर अनुसन्धान गरिरहेको जनाएको छ ।
नयाँ सरकारको कार्यभारसँगै प्रहरीको यो सक्रियतालाई शान्ति सुरक्षा कायम गर्ने कडा संकेतका रूपमा हेरिएको छ । पक्राउ परेका सबैमाथि सूक्ष्म अनुसन्धान भइरहेको र दोषी देखिए प्रचलित कानुन बमोजिम कडा कारबाही गरिने प्रहरीको प्रतिबद्धता छ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस