शुक्रवार, जेठ २२ गते २०८३
शुक्रवार, जेठ २२ गते २०८३
शुक्रवार, जेठ २२ गते २०८३
सोमवार , चैत्र ३०, २०८२
काठमाडौँ । पूर्वराजा ज्ञानेन्द्र शाहले विगतका कमजोरी र त्रुटिहरूलाई सच्याएर अघि बढ्नुपर्नेमा जोड समेत दिएका छन् ।
नयाँ वर्ष २०८३ को उपलक्ष्यमा सोमबार स्वदेश तथा विदेशमा रहेका सम्पूर्ण नेपालीहरूलाई सुख र शान्तिको शुभकामना दिँदै उनले यस्तो बताएका हुन् ।
उनले विगत केही वर्षदेखि देश अपेक्षित विकासको साटो पछाडि धकेलिँदै गएकोमा चिन्ता प्रकट गर्दै राजनीतिक र प्रशासनिक प्रणालीमा गरिएका फेरबदलहरू केबल सतही मात्र सावित भएको टिप्पणी गरेका छन् । दलीय राजनीतिको खिचातानीले गर्दा राष्ट्रको श्रीवृद्धि ओझेलमा परेको र देश एउटा प्रयोगशाला जस्तो मात्र बनेको उनले बताएका छन् ।
त्यस्तै, उनले राज्य सञ्चालन र राजनीतिमा युवा पुस्ताको बढ्दो संलग्नता उत्साहको विषय भएको बताएका छन् । उनले देश र समाजलाई प्रगति पथमा अघि बढाउन युवाहरूको भूमिका महत्त्वपूर्ण हुने चर्चा गरेका छन् । साथै, उनले शिक्षित, देश बुझेका र आधुनिक प्रविधिमा पोख्त युवाहरूको सक्रियताले राष्ट्रलाई फलदायी बनाउने विश्वास व्यक्त गरेका छन् ।
आफ्नो सन्देशमा देशको वर्तमान आर्थिक अवस्थालाई उकास्न र छिमेकी राष्ट्रहरूका साथै बाह्य मित्र शक्तिहरूसँगको सम्बन्धलाई थप सुदृढ बनाउनु अहिलेको मुख्य आवश्यकता रहेको पूर्वराजाले बताएका छन् ।
https://youtu.be/XaZmLHNlFLQ
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस