शुक्रवार, जेठ २२ गते २०८३
शुक्रवार, जेठ २२ गते २०८३
शुक्रवार, जेठ २२ गते २०८३
बुधवार , बैशाख २, २०८३
काठमाडौं । आन्तरिक विवादले उग्ररूप लिइरहेका बेला नेपाली कांग्रेसले आज दुईवटा महत्त्वपूर्ण बैठक बोलाएको छ । पार्टी केन्द्रीय कार्यालयका अनुसार केन्द्रीय कार्यसम्पादन समितिको बैठक दिउँसो २ बजेका लागि तय गरिएको छ ।
कार्यसम्पादन समितिको बैठक बस्नुअघि बिहान ११ बजे केन्द्रीय अनुशासन समितिको बैठक समेत बोलाइएको छ । कार्यवाहक सभापतिको हैसियतमा पूर्णबहादुर खड्काले दोस्रोपटक विज्ञप्ति जारी गरेपछि विकसित परिस्थितिलाई हेरेर अनुशासन समिति सक्रिय भएको हो ।
विशेष महाधिवेशनपछि कांग्रेसभित्र दुईवटा धार स्पष्ट देखिएका छन् । गगन थापा नेतृत्वको समूहले निर्वाचन आयोगबाट आधिकारिकता प्राप्त गरिसकेको भए पनि खड्का पक्षले त्यसलाई चुनौती दिँदै समानान्तर गतिविधिहरू सञ्चालन गरिरहेको छ । आधिकारिकताको यो कानुनी र राजनीतिक लडाइँकै बीच आज बस्ने यी बैठकहरूलाई निकै चासोका साथ हेरिएको छ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस