शुक्रवार, जेठ २२ गते २०८३
शुक्रवार, जेठ २२ गते २०८३
शुक्रवार, जेठ २२ गते २०८३
सोमवार , बैशाख १४, २०८३
काठमाडौं । सरकारले सशस्त्र प्रहरी बल नेपालको महानिरीक्षकमा नारायण दत्त पौडेललाई नियुक्त गर्ने निर्णय गरेको छ ।
सिंहदरबारमा सोमबार बसेको मन्त्रिपरिषद् बैठकले सशस्त्र प्रहरी महानिरीक्षक पदमा सशस्त्र प्रहरी अतिरिक्त प्रहरी महानिरीक्षक नारायण दत्त पौडेललाई बढुवा नियुक्ति गर्ने निर्णय गरेको सरकारका प्रवक्ता एवं शिक्षामन्त्री सस्मित पोखरेलले जानकारी दिए ।
त्यस्तै बैठकले सुरक्षित मुद्रण केन्द्रलाई निजी क्षेत्रसँग प्रतिस्पर्धा गरी व्यापारिक कारोबार गर्ने सार्वजनिक निकायको सूचीमा समावेश गर्ने र सो सम्बन्धी सूचना नेपाल राजपत्रमा प्रकाशन निर्णय गरेको छ भने भने भन्सार नियमावली–२०८३ स्वीकृत गर्ने निर्णय भएको पोखरेलले बताए ।
उनले वर्तमान सरकारको एक महिनामा भएका कामहरु लक्ष्य अनुसार नै सम्पन्न भएको भन्दै अव सय दिनमा गर्ने कामको दिशामा अघि बढेको उल्लेख गरे । त्यस्तै प्रवक्ता पोखरेलले त्रिवि क्रिकेट मैदान र नेपाल क्रिकेट संघबीचको पुनः भाडा सम्झौता हुने भएकाले क्रिकेट मैदान भत्कने अवस्था नआउने बताए ।
त्रिभुवन विश्वविद्यालयको उपकुलपतिको छलफलका क्रममा समेत मैदान भत्काउने नभइ भाडा सम्झौताको सकिएको अवधिलाई थप गर्ने बिषयका कुरा भएको उहाले प्रष्ट पारे ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस