बुधवार, आषाढ ३ गते २०८३
बुधवार, आषाढ ३ गते २०८३
बुधवार, आषाढ ३ गते २०८३
बुधवार , आषाढ ३, २०८३
काठमाडौं / नेकपाका सांसद गोपाल शर्मा ले सरकारका केही मन्त्री तथा प्रधानमन्त्रीका पछिल्ला अभिव्यक्तिप्रति कडा असन्तुष्टि व्यक्त गरेका छन् ।
प्रतिनिधि सभाको बुधबारको बैठकमा बोल्दै उनले सरकारका जिम्मेवार पदाधिकारीहरूले सार्वजनिक रूपमा दिने अभिव्यक्तिले गलत सन्देश प्रवाह गरेको बताए। उनले अर्थमन्त्री स्वर्णिम वाग्ले र पूर्वाधार विकासमन्त्री सुनिल लम्साल का भनाइप्रति आपत्ति जनाउँदै यस्ता अभिव्यक्ति जिम्मेवार पदमा बसेका व्यक्तिबाट आउन नहुने धारणा राखे ।
सांसद शर्माले यदि यस्तै प्रकारको अभिव्यक्ति कुनै सर्वसाधारण नागरिकले दिएको भए कानुनी प्रक्रिया के हुन्थ्यो भन्ने प्रश्न गर्दै गृहमन्त्रीको ध्यानाकर्षण गराए । कानून सबैका लागि समान रूपमा लागू हुनुपर्ने र मन्त्रीहरू पनि त्यसबाट माथि नरहेको उनको भनाइ थियो ।
उनले सरकारकै गतिविधिका कारण मुलुकमा अनुशासनहीनता र अराजकता बढ्दै गएको आरोप समेत लगाए। साथै, प्रधानमन्त्रीले दिएको विवादास्पद अभिव्यक्ति सच्याउन र संसद्को अभिलेखबाट हटाउन आवश्यक रहेको बताउँदै सभामुखसँग त्यसबारे रुलिङ गर्न माग गरे ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस