काठमाडौं । गृहमन्त्री बालकृष्ण खाँणले आगामी मंसीर ४ गते हुने प्रतिनिधिसभा र प्रदेशसभाको निर्वाचन सफलतापूर्वक सम्पन्न हुने विश्वास व्यक्त गरेका छन् । गृहमन्त्री खाँणले सुरक्षाका धेरै चुनौतिहरु रहेपनि सुरक्षा निकायहरुका साझा र संयुक्त प्रयत्नले सो निर्वाचन सफलतापूर्वक सम्पन्न हुने बताएका हुन् ।

आईतबार काठमाडौंमा आयोजित बागमती प्रदेशस्तरिय निर्वाचन केन्द्रीत सुरक्षा गोष्ठी कार्यक्रममा बोल्दै गृहमन्त्री खाँणले आगामी निर्वाचनमा देखिएको जटिलताहरुलाई हल गर्न सरकारले सुरक्षा निकायहरुसँग आवश्यक सहजीकरणको काम गर्ने प्रतिवद्धता समेत व्यक्त गरे ।

गृहमन्त्री खाँणले सुरक्षाकर्मी र सुरक्षा निकायलाई अत्याधुनिक बनाउने कामलाई सरकारले अझै प्राथमिकताका साथ अघि बढाउने पनि
दोहो¥याए । गृहमन्त्री खाँणले नागरिकता विहीन नेपाली नागरिकलाई नागरिकता दिने विषयलाई राजनीतिक विषय बनाउन नहुने पनि स्पष्ट पारे ।

गोष्ठीमा बोल्दै गृहसचिव विनोदप्रकाश सिंहले आगामी प्रतिनिधिसभा र प्रदेशसभाको निर्वाचनमा प्रभावकारी ढंगले सुरक्षा निकायको परिचालन गर्न सम्बन्धित जिल्लाका जिल्ला सुरक्षा समितिलाई समेत निर्देशन दिए ।